Aitor Arzuaga BH2Cko presidenteak euskal ekosistemaren esperientzia partekatu du Hidrogenoaren Galiziako Elkarteak (AGH2) antolatutako Hydrogen Day 2026 topaketan
Aitor Arzuaga ALBAko CEO eta Hidrogenoaren Euskal Korridoreko (BH2C) presidenteak Hydrogen Day 2026an parte hartu zuen urriaren 1ean, A Coruñan, Hidrogenoaren Galiziako Elkarteak (AGH2) antolatuta, hidrogeno berriztagarriak mugikortasun jasangarrian nahiz eraldaketa industrial eta energetikoan duen eginkizuna aztertzeko. Bere hitzaldian, Aitor Arzuagak hidrogenoaren ekosistema integrala garatzearen garrantzia azpimarratu zuen, horixe izan baitzen BH2Cren sorrera bultzatu zuena, eta korridorearen ardatz estrategikoetako bat bihurtu den mugikortasunaren arloan izandako lorpen nagusiak errepasatu zituen. Ekitaldiak enpresa, zentro teknologiko, administrazio publiko eta fabrikatzaileen ordezkariak bildu zituen aurrerapen teknologikoak, berrikuntza-proiektuak eta lehorreko zein itsasoko garraioan egindako hidrogenoaren aplikazioaren egiazko kasuak jorratzeko. Amaitzeko, hidrogenoz bultzatutako ibilgailuen erakustaldia egin zen hiriko kaleetan, Hydrogen Parade izenburupean.
Iturria: AGH2
