Nordex Electrolyzersek BH2Cren Ekoizpeneko Bertikalaren VIII. Topaketa antolatu du Irunberrin (Nafarroa) dituen instalazioetan eta 2,5 MWeko elektrolizagailu berria erakutsi du

Urriaren 22an, osteguna, Hidrogenoaren Euskal Korridorearen Ekoizpeneko Bertikalaren VIII. Topaketa egin zen, Petronorrekin batera bertikalaren lider berria bihurtu den Nordex Electrolyzersen Irunberriko (Nafarroa) instalazioetan.

Oraingo honetan, topaketa elektrolizagailu alkalinoak fabrikatzen dituen Nordex Electrolyzers enpresara egindako bisita baten barruan egin zen. Nordex Electrolyzers joint venture bat da, Nordex Taldeak, munduko aerosorgailuen fabrikatzaile handienetakoak, eta Sodenak, Nafarroako Gobernuko garapen-sozietateak, bultzatutakoa.

Bileran, Petronorreko Javier Pereak bertikalaren aurrerapenak errepasatu eta hidrogenoaren ekoizpenari lotutako erregulazio-alderdi nagusiak aztertu zituen. Gainera, Nordex Electrolyzerseko Irene Huartek enpresaren ibilbideari buruzko ikuspegia eskaini zuen, bere teknologiaren garapenera eta Nordex Electrolyzersen industria-proiektura iritsi arte. opaketaren unerik garrantzitsuena NX2500 deritzon 2,5 MWeko elektrolizatzaile alkalino presurizatuaren saiakuntza egiten ari den instalaziorako bisita izan zen, Nordex Electrolyzerseko Javier Fernandez de Manzanosen eskutik.