BH2C, RENMAD Hidrogeno sarien IV. edizioan hautatutako ekimenen artean
RENMADek RENMAD HIDROGENO 2026 Sarien IV. edizioa aurkeztu du. Sari ezagun hauek Espainiako hidrogeno berriztagarriaren sektoreko giltzarrizko eragileen lorpenak aintzatetsi eta ospatzea du helburu. Aitorpenak aintzakotzat hartzen ditu, bidezko trantsizioa sustatuz eta eskualde zein estatu mailako eragin positiboa sortuz, sektorearen aurrerapena nabarmen bultzatu duten enpresak, agintariak eta pertsonak. Hidrogenoaren Euskal Korridorea (BH2C) hautatu dute sektoreari bidea eta ziurtasuna zabaldu dizkioten proiektu aitzindarien ekarpena aldarrikatzen xede duen “Hidrogeno berriztagarriaren arloko urteko proiektuaren saria” atalerako. Sari hau jardunean nahiz garapen-egoera aurreratuan dauden proiektuei zuzenduta dago, bidezko trantsizioaren printzipioei erantzun eta tokiko gizarte eta ekonomiaren gaineko inpaktu positiboa duten proiektu berritzaileak diren aldetik.
RENMADek Repsol eta Enagás Renovableren Tarragona Green Hydrogen proiektua eta Enagasen Green Hysland ere nabarmendu ditu “Hidrogeno berriztagarriaren arloko urteko proiektuaren saria” kategorian. “H2aren urteko sustatzailearen sariak” kategorian, Petronor, Repsol eta Enagás agertu dira hautatutako enpresen artean.
“Women in Renewables H2” kategoriak Enagaseko Susana de Pablo, Repsoleko Maribel Rodriguez eta CNH2ko Beatriz Nietoren ibilbideak nabarmendu ditu. “H2aren arloko Urteko Pertsona Ospetsuaren Sariari” dagokionez, RENMADek Hidrógeno Aragón Fundazioko Guillermo Figueruelo, CNH2ko Emilio Nieto, Enagás Renovableko Luis Iglesias eta Repsoleko Tomás Malango izendatu ditu.
Finalistak aukeratzeko bozketak urriaren 2ra arte egongo dira zabalik, eta irabazleak hautatzeko epea urriaren 13an hasi eta azaroaren 18ra arte luzatuko da.
Iturria: RENMAD
