BH2C, RENMAD Hidrogeno sarien IV. edizioan hautatutako ekimenen artean

Gogoratu nahi dizuegu RENMADek RENMAD HIDROGENO 2026 Sarien IV. edizioa aurkeztu duela. Sari herrikoi hauek hidrogeno berriztagarriaren arloko Espainiako giltzarrizko eragileek izandako lorpenak ospatu eta aintzatestea dute helburu. Aitorpen hau sektorearen aurrerapena nabarmen bultzatu duten enpresa, agintari eta pertsonei zuzenduta dago, bidezko trantsizioa sustatu eta eskualde zein estatu mailako inpaktu positiboa eragin duten heinean. Hidrogenoaren Euskal Korridorea (BH2C) sektoreari bidea eta ziurtasuna zabaldu dizkioten proiektu aitzindarien ekarpena aintzat artzea xede duen “Hidrogeno Berriztagarriaren arloko Urteko Proiektuaren Saria” delako atalean hautatu dute. Gainera, ekosistemako hainbat kide izendatu dituzte beste kategoria nabarmen batzuetan: Repsol, Enagás Renovable eta Petronor “Urteko H2 Sustatzailearen Sarian” lehiatuko dira; Maribel Rodríguez Olmos (Repsol) eta Susana de Pablo (Enagás) “«Women in Renewables» H2 2026 Sarirako” hautatu dituzte; eta Luis Iglesias (Enagás Renovable), Tomás Malango (Repsol) eta Guillermo Figueruelo (Hidrógeno Aragón Fundazioa) “Urteko H2 Pertsona Garrantzitsuaren Sarian” lehiatuko dira. Finalistak aukeratzeko bozketak urriaren 2ra arte egongo dira zabalik, eta irabazleak hautatzeko bozketa urriaren 13tik azaroaren 18ra bitartean egingo da.

Iturria: RENMAD