Wärtsilak hidrogeno puruko eskala handiko munduko lehen motorra jarri du martxan Bermeon, Espainiako elektrizitate-sareari laguntza emateko

Wärtsilä talde teknologikoak estatuko elektrizitate-sarea elikatu eta hidrogenoa % 100 erabiliko duen motor berri baten baliozkotzea hasi du Bermeon, hots, hidrogeno puruko eskala handiko munduko lehenengo erakustaldia. Wärtsilä 31H2 motorra, Wärtsilä plataformari atxikia, munduan dauden erregai anitzeko lau aldiko motorrik eraginkorrenetakoa da. Wärtsilä 31 ereduan oinarritutako instalazioa hazkunde azkarreko eta energia-kontsumo handiko industriei laguntzeko diseinatuta dago, datu-zentroak, manufaktura-industriak eta saretik kanpoko inguruneak kasu. Saiakuntza honek argi utzi du eskala handiko hidrogeno-motorrek etorkizuneko energia-sistema erabat berriztagarriak babesteko behar den energia jasangarri, malgu eta erregulagarria eman dezaketela. Enpresak, orain, teknologia hori eskala handian ezartzeko ingurune egokia sortzea du helburu, arau irmoen, inbertsio argien eta beharrezko azpiegituren babespean.

Iturria: Wärtsilä