Nortegasek energia-eraginkortasuna eta gas berriztagarrien erabilera sustatuko ditu Gasteizko 86 etxebizitza berritan Bioboilerrak txertatuz
Nortegasek eta Innova Proyectos Inmobiliarios XXI enpresak (Euskadiko erreferentziazko higiezinen sustatzailea) aliantza bat sinatu dute, Bioboilers deritzon teknologiaren bitartez obra berriko etxebizitzetan azken belaunaldiko gas-galdaren instalazioa bultzatzeko. Sistema termiko hauek energia-eraginkortasun handiagoagatik, ingurumen-inpaktu txikiagoagatik eta biometanoa eta hidrogeno berdea bezalako gas berriztagarriekin lan egiteko prest egoteagatik nabarmentzen dira.
Proiektua Gasteizko Salburua auzoan 86 etxebizitza eraikitzea aurreikusia duten bi sustapenetan garatuko da. Ekipamendu aurreratu hauen instalazioa trantsizio energetikoari egindako ekarpen zehatz eta ukigarria da, etxebizitzak energia-iturri deskarbonizatuekin eta energia-eredu eraginkorragoekin bateragarriak diren soluzio termikoetara egokitzea dakarren heinean.
Bioboilers gas-galdarek kondentsazio-teknologia dute, eta ondorioz, ohiko galdara estankoak baino eraginkorragoak eta jasangarriagoak dira. Sistema honek errekuntzako kean dagoen bero sorra berreskuratzeko aukeraematen du, isurpen kutsatzaileak nabarmen murriztuz eta % 30erainoko energia-aurrezpena lortuz. Etorkizuneko egoiliarrei, honek kontsumoa murriztu eta etxeko energia-erabilerari lotutako karbono-aztarna gutxitzea ekarriko die. Era berean, ekipo horiek “H2 Ready” ziurtagiria dute, eta horrek esan nahi du % 20rainoko hidrogeno berdearen kontzentrazioa duten gas-nahasketekin erabil daitezkeela.
Iturria: Estrategia Empresarial
