Nordex Electrolyzersek H2OP proiekturako garatu duen elektrolizagailuak hidrogeno berriztagarria hornitzen dio jada Viscofani Nafarroan

Nordex Electrolyzersek lankidetzan dihardu Viscofan, AIN eta URAPHEX startuparekin Viscofanek Kasedan (Nafarroa) dituen instalazioetan hidrogeno berdea ekoizteko, H2OP proiektuaren barruan. Ekimena Nafarroako Gobernuak hidrogeno berdea deskarbonizazio eta industria-lehiakortasunerako bektore energetiko estrategikotzat bultzatzearen alde egin duen apustuarekin lotuta dago.

Proiektuaren partzuergoa osatzen duten lau erakundeen elkarlanari esker, eraiki eta abian jarri ahal izan dira 500 kWeko elektrolizagailu alkalino presurizatua eta ura tratatu eta berreskuratzeko instalazioa, Viscofanen galdararekin bi hilabeteko denbora errekorrean integratuz. Elektrolizagailu osoa Espainian diseinatu, fabrikatu eta mihiztatu da Nordex Electrolyzersen eskutik.

Instalazio honi esker, Viscofanek modu jarraituan ekoitzi ahal izango du 100 Nm3/h hidrogeno, atmosferara urtean 480.000 kg CO2 gutxiago isuriz. H2OP proiektua Nafarroako Gobernuko Industria eta Trantsizio Ekologiko eta Digitaleko Departamentuak I+G proiektu estrategikoetarako abian duen 2024-2027ko laguntza-deialdiari atxikita dago, energia berdearen industria ardatz duen AERO VIII 2. erronkaren barruan. Ekimenak 840.000 euro inguruko finantzaketa du, Nafarroako Gobernuak eta Eskualde Garapenerako Europako Funtsak (EGEF) emana.

Iturria: Nordex Electrolyzers