Irizar i6S Efficient Hydrogen autobusak distantzia luzeko eragiketetarako bideragarritasuna berresten jarraitu du
Irizar i6S Efficient Hydrogen autobusak arrakastaz egin du Ormaiztegi (Irizarreko egoitza nagusia) eta Briançon (Frantziako Alpeak) herrien arteko joan-etorriko ibilbidea. Ibilbidearen guztizko distantzia 2.500 kilometrokoa izan da, eta Pirinioetako eta Proventzako hainbat herri zeharkatu ditu Frantziako Alpeetara iritsi baino lehen, 1.400 metrotik gorako desnibel positiboa gaindituz. Proba honekin, Irizarrek hidrogeno bidezko autobus batek Europan egindako distantziarik luzeena lortu du.
Ibilbide honetan, Irizar i6S Efficient Hydrogen autobusak hidrogeno-kargaren abiadura probatu du zenbait hornigailutan, eta horietan guztietan, 20 minutu baino gutxiago behar izan ditu karga osoa egiteko. Gainera, autobusak 900 kilometroko autonomia frogatu du proban zehar.
Ibilbidean, Irizar i6S Efficient Hydrogen autobusa Frantziako Alpes-Provenza-Costa-Azul eskualdeko hainbat erakunderi aurkeztu zaie, eta interes handia piztu du teknologia berritzaile honek eskaintzen dituen aukeren harira. Proba hau erabakigarria izan da hidrogenoak erregai fosil tradizionalen ordezko alternatiba bideragarri eta jasangarritzat eskaintzen duen potentziala erakusteko.
Iturria: Irizar
