Fagor Ederlan Groupek eta Mondragon Unibertsitateak lankidetzan dihardute ZEH2OPS proiektuan, portuetan hidrogeno-erregaiaren pila-sistema bat garatu ahal izateko
Fagor Ederlan taldea partaide duen Tres sesenta gases enpresa ZEH2OPS (Zero Emissions Hydrogen On-Shore Power Supply) proiektuan parte hartzen ari da Mondragon Unibertsitatearekin batera, hidrogeno-erregaiaren pilan oinarritutako elektrizitatea sortzeko sistema berritzailea garatzeko portuetako on-shore aplikazioetarako. Estatuko Portuek Ports 4.0 programaren barruan diruz lagundutako proiektu honek atrakatutako ontziei megawatt baterainoko potentzia hornitzea du helburu, tokiko isurpenak ezabatuz eta portuko eragiketen ingurumen-inpaktua murriztuz.
Ekimenak modu esperimentalean konbinatuko ditu erregai-pilak, bateriak eta potentzia-elektronika proba-banku batean, ontzien energia-profilen arabera duten errendimendua balioztatu ahal izateko. Probak Mondragon Unibertsitateko instalazioetan egingo dira.
Sistema soluzio malgu eta eskalagarritzat diseinatu da, elektrizitate-sareen eginkizuna indartu eta laguntzeko. ZEH2OPS proiektuak portuetako energia-beharrak betetzea du helburu sarea saturatuta dagoenean edo azpiegitura elektrikorik ez dagoenean, baina isurpenik eta zaratarik eragin gabe.
