ALBA EMISSION FREE ENERGY Hidrogenoaren Euskal Korridoreko kide bihurtu da azken Zuzendaritza Batzordean
Uztailaren 21ean, asteartea, Hidrogenoaren Euskal Korridoreak (BH2C) hiruhileko 21. Zuzendaritza Batzordea egin zuen Energy Intelligence Centerren (EIC). Bileran, Korridoreko kide izendatu dute Petronorren ALBA EMISSION FREE ENERGY, hidrogeno berriztagarriko, erregai berriztagarrietako eta mugikortasun jasangarriko proiektuen garapenaz Euskadiko industriaren deskarbonizazioa bultzatzea xede duena. Egun, ALBA 10 MWeko elektrolizagailuaren eraikuntzan laguntzen ari da Basque Hydrogen sozietatearen bitartez. Honek Synkedia sozietateak kudeatutako erregai sintetikoen demo instalazioa elikatuko du, eraikitze-prozesuan dagoena, baita Petronorren Muskizko findegia deskarbonizatu eta beste offtaker batzuei hidrogeno berriztagarria hornitzeko erabiliko den 100 MWeko elektrolizagailuaren IPCEI proiektua ere, kasu honetan Bay of Biscay Hydrogen sozietatearen bidez.
