Tubos Reunidosek Responsibly Sourced Tubulars aitorpena jaso du bere soluzio industrial berritzaileengatik
Tubos Reunidos Groupek Responsibly Sourced Tubulars (RST) saria jaso du, soluzio pertsonalizatuak eskaintzen dituen B&L Pipeco Services upstream produktu eta zerbitzuen enpresaren eskutik. Tubos Reunidosen tutu eta hodiek ingurumen, gizarte zein gobernantza (ESG) arloetako irizpide zorrotz-zorrotzak betetzen dituztela egiaztatzen du Responsibly Sourced Tubulars aintzatespenak, produktuaren trazagarritasuna, lehengaien hornidura arduratsua eta ingurumen-inpaktuaren murrizketa barne.
Bezero batek emandako aintzatespen honek beren-beregi balioetsi du euskal fabrikatzaileak balio-kate osoan egindako lana, konpainiaren ikuspegi estrategikoa, bikaintasun operatiboa eta industria arduratsuago, gardenago eta jasangarriagoaren alde egin duen apustua nabarmenduz. Sari honekin, B&L Pipeco Servicesek lankidetzaren eta elkarrekiko konfiantzaren garrantzia ere nabarmendu du industria arduratsuago baterantz aurrera egin ahal izateko. Era berean, Tubos Reunidos bazkide estrategikotzat sendotu du soluzio tubular jasangarriak, fidagarriak eta trazagarritasunari buruzko bermeak dituztenak bilatzen dituzten enpresentzat.
Aintzatespen honen zutabeetako bat, oso-osorik material birziklatuz eginda dauden O-Next izeneko Tubos Reunidosen soldadurarik gabeko Net Zero altzairuzko hodien sorta da. Soluzio honek frogatu duenez, errendimendu teknikorik handiena karbono-aztarnaren murrizketa nabarmenarekin konbina daiteke eskakizun handiko industria-aplikazioetan. Gainera, O-Next hodiak trazagarritasun osoagatik eta jasangarritasunari buruzko dokumentazioagatik nabarmendu dira. Horrela, Tubos Reunidos Group modu aktiboan laguntzen ari da altzairuaren industriaren deskarbonizazioan, bezeroei ESG helburuak betetzen laguntzeaz gain.
Iturria: Tubos Reunidos
