Técnicas Reunidas elektrolizagailu alkalino eraginkorragoak eta eskalagarriagoak diseinatzea xede duen STELAH proiektuan parte hartzen ari da

Técnicas Reunidas buru duen STELAH proiektuak katalizagailu eta elektrodo eraginkorragoak eta eskalagarriagoak garatu eta ebaluatzea du helburu elektrolisi-sistema alkalinoetan integratzeko, diseinuari eta eragiketari dagozkion hainbat parametro baliozkotuz. Katalizagailu/elektrodoen eta stack-konfigurazio aurreratuen konbinazioak egungo gailuek baino eraginkortasun handiagoa eskainiko du hidrogeno berriztagarriaren sorkuntzarako. Proiektuak Matteco Team enpresa, AIJU institutua eta Valentziako Unibertsitatea (UVEG) ere ditu partaide.

Elektrolitoen eroankortasun eta eraginkortasun elektrokimikoa areagotzeak elektrolizagailu alkalinoen kalitate eta prezioaren arteko erlazioa hobetzeko aukera emango du, horien pisua eta bolumena murrizteaz gain. STELAH proiektuarekin, halaber, material kritikoekiko (IrO2 eta Pt) mendekotasuna gutxitzea lortu nahi da. Industriako ikerketa-proiektu honek 903.513,17 euroko laguntza jaso du Valentziako Berrikuntza Agentziaren (IVACE+i) Lankidetza bidezko Proiektu Estrategikoetarako programaren bidez.

Proiektuaren gauzatzealdiko lehen hilabeteetan, Técnicas Reunidasek aurretiko ebaluazioa egin du elektrolizagailuko osagaien hobekuntza mekanikorako, gelaxka elektrokimiko bakarreko hainbat diseinuren eredu, simulazio eta kalkulu analitikoetan oinarrituta, elektrolitoaren eta sortutako gasen arteko joan-etorri egokia ziurtatzeko. Gainera, elektrolizagailuen saiakuntza-bankuak egokitu ditu Mattecok garatutako katalizagailu eta elektrodoak baliozkotzeko eta eragiketa-baldintzak optimizatzeko.

Iturria: Técnicas Reunidas