Repsolek Berrikuntza eta Diseinuaren 2024ko Sari Nazionala jaso du
Repsolek Berrikuntzaren 2024ko Sari Nazionala jaso du Enpresa Berritzaile Handiaren kategorian, Letizia erregina buru izan duen ekitaldian. Zientzia, Berrikuntza eta Unibertsitate Ministerioak emandako aintzatespen honek Repsolen ibilbidea aitortu du, zientzia eta teknologia jasangarriagoaren aldeko konpromisoa indartuz. Antonio Brufau Repsoleko presidenteak jaso zuen saria, azaroaren 6an Madrilgo El Pradoko Errege Jauregian antolatutako ekitaldian.
Diana Morant ministroak RepsolTech Laben eginkizuna nabarmendu zuen, baita horren Corporate Venturing unitatea ere, berrikuntza estrategiaren erdigunean kokatzeko moduaren adibidetzat. “Repsolen berrikuntza irekiko ereduak berrikuntzaren fase guztiak estaltzen ditu, aliantza eta lankidetza estrategikoak ezartzeko aukera erraztuz, erronka unibertsal handi honi konponbideak eskaintzen lagun dezaketen ahaleginak eta gaitasunak bateratzearren, eta honek aparteko trakzio-gaitasuna ekarri du sektoreko ETEentzat, ekintzailetza-ekosistema sustatzeaz gain, barne-antolamenduko ereduaren berrikuntza-eredutzat finkatuz, hainbat arrakasta-kasuren bidez”, gaineratu du.
Madrilgo Mostoles herrian kokatutako RepsolTech Lab delakoa Repsolen I+G zentroa da, eta 2050ean Repsolek zero isurpen garbiko konpainia bihurtzeko helburura iristeko teknologiak garatzea du xede. Zentroko laborategiak esperimentazio eta analisirako azken teknikez hornituta daude, jatorri berriztagarriko produktu berriak garatu ahal izateko. Eskala txikiko industria-prozesuak errekreatzeko instalazio pilotuak ere daude. Goi-teknologiako ekipamenduez hornituta, egiazko baldintzetan erreproduzitzen dituzte industria-guneetan gauzatzen diren prozesu berberak, aldagai guztiak monitorizatuz.
Iturria: Repsol
