Mondragon Unibertsitatea, hidrogeno berdea eta erregai-pilak sustatzea xede duen Europako H2Excellence mugikortasun-programako partaide
Mondragon Unibertsitatea Europako H2Excellence proiektuan parte hartzen ari da Europako Itun Berdearen helburuak babesteko, hidrogeno berde eta erregai-pilen arloan dagoenm gaitasun-arrakalari heltzeko moduko hezkuntza-eskaintza sortuz. Ekimenaren helburua teknologia honen inguruko prestakuntzan, ikerketan, ezagutza-transferentzian eta sentsibilizazioan erreferente bihur daitezkeen Europa mailako ezagutza-zentroak garatzea da.
Europako H2Excellence proiektuaren barruan, hezkuntza-etapa desberdinetako (Lanbide Heziketa, Gradua, Masterra eta Doktoregoa/Ikerketa) ikasle eta irakasleei zuzendutako mugikortasun-programa diseinatzen ari da 2025/2026 ikasturterako. Proiektua Erasmus+ programak finantzatu du, eta hidrogeno berdearen arloko etorkizuneko lan-garapenerako trebetasun jasangarriak garatzea du helburu. H2Excellence partzuergoak Finlandia, Italia, Espainia, Portugal, Frantzia, Polonia eta Greziako erakundeek ditu bazkide. Praktikak egiteko aukerek askotariko funtzioak biltzen dituzte, eskuzko eta ingeniaritzako lanpostuetatik kudeaketa eta I+Graino, erakundearen barruko garrantzizko edozein diziplina barne.
Mugikortasun-programak praktiketarako sarbidea ere eskainiko du, 12 hilabeterainoko iraupenarekin, eta Erasmus+ programak finantzatuko du oso-osorik LHko eta unibertsitateko ikasleentzat, ikertzaileentzat eta irakasleentzat. Enpresa parte-hartzaileek harremanak finkatu ahal izango dituzte sektoreko etorkizuneko langileekin, hidrogeno berdearen arloko lana eta konpromisoa ikusaraziz H2Excellence plataforma europarrean duten presentziaren bidez. Enpresek malgutasun osoz aldatu edo ezabatgu ahal izango dute programan duten parte-hartzea, Memorandum of Understanding (MoU) dokumentuan zehaztu den bezalaxe.
Iturria: Mondragon Unibertsitatea
