IDOM-Ariema IDOM-Ariema partzuergoa izango da hidrogenoaren segurtasunerako Europako ahaleginen buru
Clean Hydrogen Joint Undertaking (CHJU) delakoak Hidrogenoaren Segurtasunerako Europako Panela (EHSP) sortu, antolatu, kudeatu eta koordinatzeko esparru-kontratua esleitu dio IDOM-Ariema Partzuergoari. Ekimen hau giltzarrizkoa da Europa osoan hidrogenoaren teknologien hedapen segurua bermatu eta sustatzeko.
CHJUk 2017an abiarazi zuen Hidrogenoaren Segurtasunerako Europako Panela, intrintsekoki seguruagoak diren hidrogenoaren arloko sistema eta azpiegituren garapena eta hedapena babesteko, hidrogenoaren teknologiak eta erregai-pilak modu seguruan garatzen, sartzen eta erabiltzen laguntzeaz gain, proiektuetan nahiz gizartean oro har. Kontratu berri honen arabera, IDOM-Ariema partzuergoak horrexetan oinarritutako zerbitzu-sorta zabala eskainiko du, EHSPren inpaktua are gehiago hobetzeko.
Hona hemen giltzarrizko jardueretako batzuk:
- Programa eta proiektu mailako babesarekin jarraitzea, EBk finantzatutako proiektuek hidrogenoaren arloko segurtasunari dagozkion praktikarik aurreratuenak jasotzen dituztela bermatuz eta dauden hutsuneak identifikatuz.
- Hidrogenoarekin lotutako Gertakari eta Istripuen Datu Basea (HIAD 3.0) handitzea.
- Prestakuntzarako materialak garatu eta tailerrak koordinatzea, interesatuta dauden alderdi guztien segurtasun-gaitasunak hobetzeko.
- Dibulgazio publikoa hobetzea, hidrogenoaren segurtasunari buruzko ezagutza-zentrotzat jardungo duen webgune espezifikoa sortuz, tresna interaktiboekin, ohiko galderekin eta publiko desberdinentzako baliabideekin.
Iturria: IDOM
