FHa hidrogenoa birkargatzeko guneetarako pre-cooling sistema bat garatzea xede duen HyCooler proiektuan parte hartzen ari da
HyCooler proiektuak hidrogenoa birkargatzeko guneetarako beren-beregi diseinatutako pre-cooling sistema trinko eta eraginkorra garatuko du. Egun, instalazio horiek ez dute funtzionamendurako arau-protokolorik, eta horrek are garrantzitsuagoa egiten du ekimen hau. Birkarga-guneetan zuzenean integra daitekeen osagai bat saiakuntza-banku batean baliozkotzea da helburu nagusia. Osagai hori moldaerraza, instalazio errazekoa, modularra eta kostuetan lehiakorra izango da, Hidrogenoaren Ibilbide-orriko helburuekin lerrokatuta.
Hidrógeno Aragón Fundazioa (FHa) arduratzen ari da instalazioetan saiakuntza-banku bat diseinatu eta garatzeaz, ekipoaren funtzionamendua behar bezalakoa dela egiaztatuko duten probak egin ahal izateko. Saiakuntza-bankuak ibilgailu astun baten depositua betetzeko prozesua 350 bar-eko presioan egiteko gaitasuna izango du, betetzearen emaria kontrolatuz. Gainera, saiakuntza-baldintza guztiak monitorizatzeko aukera emango du, emaitzak zenbakizko simulazioekin eta arautegiko datuekin alderatzeko.
Sfice Innovative Minds-ek koordinatu eta FHa partaide duen proiektu hau garrantzizko aurrerapen teknologikoa da, eta aurrerapauso handia hidrogenoa birkargatzeko guneen inplementazio eraginkorra sustatzeko bidean, ibilgailu astunen garraioan etorkizun jasangarri eta eraginkorragoa lortzen laguntzearren.
Iturria: Fundación Hidrógeno Aragón
