Enagasek Euskadiko Enborreko Sarearen Partaidetza Publikorako Plana aurkeztu du
Enagásek Hidrogenoaren Euskadiko Enbor Sarearen Partaidetza Publikorako Plan Kontzeptuala (PCPP) abiarazi du azaroaren 3an, Imanol Pradales Lehendakaria, Joan Groizard Energiaren Estatu idazkaria, Mikel Jauregi Eusko Jaurlaritzako Industria, Trantsizio Energetiko eta Jasangarritasuneko sailburua eta Arturo Gonzalo Enagáseko kontseilari ordezkaria partaide izan dituen ekitaldi instituzional batean.
Ekitaldia Bilboko Portuan antolatu da, eta bertan, Euskadiko hidrogenoaren ekosistema garatzeko giltzarrizkoa izango den proiektu honen xehetasunak aurreratu dira. Proiektuak 163 kilometro inguruko gasbide-sarea planteatu du Euskadiko industriagune nagusiak hidrogenoa ekoizteko zentroekin lotuz. Sareak bi zati izango ditu: Reocín-Arrigorriaga, euskal lurraldean 38 km inguruko ibilbidea duena, eta Arrigorriaga-Haro, 125 km ingurukoa. Proiektuak egungo azpiegiturekiko sinergiak aprobetxatu eta etorkizuneko beste proiektu batzuekin osatuko da, Aiaraldea lotuko duena eta Bergara-Irun duktua kasu.
Etorkizuneko sare honi esker, Euskadi hidrogenoaren merkatuaren gune neuralgiko bihurtuko da, Bilbo eta Gasteiz inguruan agregazioko nodoa egiteko aukerarekin, etorkizuneko ekoizpen eta kontsumo proiektuak bilduz. Europako Interes Komuneko Proiektuen (PCI) zerrendari atxikitako Hidrogenoaren Enbor Sarearen lehen ardatzei buruz 2024an aurkeztutako Call For Interest delakoaren emaitzetan ere Euskadi garrantzizko gunetzat jotzen da hidrogeno berriztagarriaren arloan.
Iturria: Enagás
