Calvera Hydrogen-ek edukiera handiko beste lau hidrogeno-edukiontzi hornitu dizkie Poloniako bezeroei
Calvera Hydrogen-ek iragarri duenez, edukiera handiko lau hidrogeno-MEGC (Multi Element Gas Container) esleitu berri dizkie Poloniako merkatuko bi bezerori. Edukiontzi hauek oreka ezin hobea eskaintzen dute errendimendu, segurtasun eta errentagarritasunaren artean, eta edukiontzi bakoitzean 1,1 tona hidrogeno garraia daitezke 380 barreko presioan. Hidrogenoa aplikazio industrialetarako zein mugikortasunerako erabiliko da, Polonian hedatuz doan hidrogenoaren azpiegitura garatzen laguntzeko.
Entrega honekin, enpresak 20 MEGC inguru ditu dagoeneko lanean herrialde osoan, 2023ko azaroan egindako automobil zein autobusentzako bi hidrogeno-hornitegiren (HRS) entregaz gain. Hauetako batek, Katowicen kokatuta, egunean 630 kg erregaiz hornitzeko gehienezko gaitasuna du, eta bestea Poznanen dago eta 1700 kg arteko eguneko gaitasuna du.
Iturria: Calvera Hydrogen
