BH2Ck mahai-inguru batean parte hartuko du Hidrógeno Aragón Fundazioak antolatutako Aragoiko Hidrogenoaren lehen Astean
Hidrógeno Aragón Fundazioak, Aragoiko Gobernuaren lankidetzaz, Aragoiko Hidrogenoaren lehen Astea antolatu du, 2025eko martxoaren 10etik 14ra bitartean, Caja Rural de Aragon-en (Zaragoza, Espainia). Ekitaldi hau mugarri erabakigarria da Aragoik deskarbonizazio eta garapen ekonomiko jasangarriaren alde hartu duen konpromisoaren barruan.
Aragoiko Hidrogenoaren Asteak hidrogenoaren arloko Estatuko eta nazioarteko lider eta adituekin konektatzeko aukera ematen du; abangoardiako tailer eta hitzaldietan parte hartu eta hidrogenoaren etorkizuna markatzen ari diren azken teknologiak eta proiektuak ezagutzeaz gain.
Martxoaren 11n, asteartea, BH2Ck ingelesez antolatutako jardunaldi batean parte hartuko du Europako hidrogeno-haran nagusiekin, Hydrogen Territories Platform Tool eta Hidrogenoaren Ebroko Korridorearen III. Foroaren aurkezpenaren barruan. Jardunaldia Caja Rural de Aragón Eraikineko Zutabeen Aretoan egingo da, 09:00etan.
Hydrogen Territories Platform Tool ezagutzera eman ondoren, Europako hidrogeno-haranen aurkezpena hasteko, hidrogeno-haranik aurreratuenetan ikasitakoak eta horien inguruko erronkak azalduko dira. Networking-kaferako etenaldiaren ondoren, xehetasunez aztertuko dira aurretik identifikatutako erronkak gainditzeko dauden balizko bideak. Ekitaldian, halaber, hidrogeno-haranen kofinantzaketarako eskemak azalduko dira.
Jardunaldiaren bigarren saioan, Europako eskualdeek S3 EU H2V aliantzaren bidez hidrogeno-haranetan duten eginkizuna azalduko da, Hidrogeno Haranen Estatuko Aliantzaren aurkezpenarekin jarraituz. BH2Ck Euskadi, Nafarroa, Aragoi eta Kataluniako hidrogeno-haranak mintzagai izango dituen mahai-inguru batean parte hartuko du. Lurralde horietako industriari buruzko hitzaldi labur baten ondoren, amaiera emango zaio jardunaldiari.
Iturria: Fundación Hidrógeno Aragón
