Befesaren LIFE HYDROGAS proiektuak soluzio berritzaileak ikertuko ditu, hondakin-gasetatik hidrogenoa sortu ahal izateko

Befesa hondakin-gasak berreskuratzeko soluzio berritzaileak ikertzen ari da LIFE HYDROGAS europar proiektuaren bitartez. Aluminiozko gatz-zepak birziklatzean sortutako hondakin-gasak (hidrogasak) egonkortu eta garbitzea da proiektuaren helburua, lurrun-galdaretan gas naturalaren ordez erabiltzeko moduko purutasun handiko hidrogeno eta metano fluxu bihurtzeko.

Soluzio honek mintz-teknologia berri bat erabiltzera behartuko du hidrogeno eta metano fluxuak araztu eta bereizteko. Tratatu eta erre beharreko korrontearen konplexutasuna dela eta, beharrezkoa da gasen garbiketa-etapa bat sartzea, zenbait konposatu kentzeko (siloxanoak, H2S eta COV, esaterako) bereizketa-prozesuaren buruan. Horretarako, merkatuan dauden hainbat garbiketa-teknika integratuko dira, gasaren ezpurutasunak muga onargarrietaraino murrizteko, gerora behar bezala bereizi eta erabili ahal izateko. Gainera, proiektuak gas-fluxuan dagoen amoniakoa berreskuratzea du helburu, ondoren merkatuan saltzeko. Bestalde, hidrogas-fluxuaren fluktuazio fisikoak moteltze-teknologien inplementazioari esker egonkortuko dira, gas-fluxu konstantea bermatuz eta eragiketa eraginkorrak erraztuz.

Hondakin-gasen fluxuak helburu energetikoetarako tratatu eta balorizatzeko instalazioa eraiki eta martxan jartzea helburu duen LIFE HYDROGAS proiektuaren arrakastari esker, urtean 17,9 GWh energia gutxiago kontsumitu eta 3.619 tona CO2eq gutxiago isuriko dira.

Iturria: Befesa